Wednesday, April 23, 2008

لو ليا حق ..هنروح انا وانت م بعضنا فين .. للمتزوجين فقط



لابد ان نتفق مبدئيا .. ع انه لن تدوم حياه زوجيه

بدون مشاحنات .. او مايدعو للازعاج

شأنها شأن اى علاقه اخرى بين طرفين

اذن .. نأسف للازعاج ...

سيدتى اعلمى جيدا .. ادم لا يطيق صوتا يعلو صوته

سيدى اعلم جيدا .. حواء جرح لكرامتها ان تسمع صوتك اعلى م معدلاته

فتجنبوااااااااااااااااااااااااااا الصوت العالى

معا .. للخناق باتيكيت والاعتذار ايضا باتكيت ..

نتخانق ازاى بأتكيت ؟؟ وهو ف خناق اصلا ينفع يكون متأكتت ..

ايوووون ...

اولا واخيرا .. مشاكل ومنغصات ومزعجات ومكدرات حياتكم الزوجيه

تظل دائما وابدا داخل مسكن الزوجيه ولا يطلع عليها سوى ابطالها فقط

ليس داعى ان تعرف ام محمد اللى ف الدور الخامس بخناقة يوم السبت

ولا انك تتصلى بماما بعد كل خناقه ..

متفقين .. نقرى الفاتحه .. ع البركه ..

لكل خطيبين ع وشك اتمام زواجهم ..

انتهى الفرح ... افتتحتوا قصر الزوجيه .. ومعاها هتفتحوا كشكول السعاده الزوجيه

كشكول .. وريقاته هتشهد ع لحظات ضعفكم وقوتكم ..

اول صفحه .. هيكون فيها صورة ليكم بتعتزوا بيها جدا


ومش شرط تكون صورة جوازكم

مش لازم كل متفتحيه تفتكرى الكوافير اللى بوظلك شعرك ..


ولا الفستان اللى اتقطع بعد ما بصم عليه العريس بخوفيه ..


وانتو داخلين الاستوديو

وتانى صفحه .. هتتقسم نصين ... مش فوق وتحت

لا نصين يمين وشمال .. (( يعنى انتى وجوزك ماشيين جنب بعض ))

مفيش حد ليه الاولويه ع حد .. انتو الاتنين ف مركب واحد

هتكتبى حضرتك ف جنب .. انتى حاسه ايه ف اللحظه دى

وانتى ايه اكتر حاجات بتحبيها ف الاستاذ ..


وايه اكتر حجات بتضايقك منه واهدافك م الجواز

وهو كذلك .. هيكتب ف الجنب الاخر

وهتعلقووه ف ضهر الباب ..

وكل ميضايقك حاجه منه .. هتروحى وتكتبى ف الكشكول

التاريخ واليوم والحاجه اللى ضايقك فيها

وهو يكتب بعدها .. ازاى صالحك .. او انك كنتى مزوداها ومكنش ليكى حق تزعلى

وتتعودوا تلقائيا تفتحوا الكشكول .. يوميا

واخر كل شهر .. تعملوا محكمه ..

هو القاضى .. وانتى المتهمه .. والعكس

وتنظروا كل القضايا وعرائض الدعوى اللى موجوده ف الكشكول

وتحكموا ع المتهم .. بالضرب ف ميدان الصاله العام بمخدات الانتريه

او بالرشق ببلالين مليانه ميه .. وغيرهاا


ودايما تجيبى الكشكول كل فتره وتقعدوا تقرروه سوووا وتضحكوااا

لما هو اضايق ان صنية البطاطس اتحرقت


ولما انتى اضايقتى انه شخط فيكى ف التلفون

وهكذا ...

ولما ربنا يرزقكم باطفال تشركيهم معاكم ف الكشكول ..

وتشركيهم كمان ف المحكمه ..

وتعلميهم الخناق باتكيت

طيب .. الاعتزار .. واللى البعض بيعتبره اسقاطه لكرامته ف نفق الهرم ..

مش عيب انك تقول انا اسف ..

بلاش تقولها ارسمها ..

بلاش ترسمها عبر عنها بعنييك حتى

هتفرح اوى ام العيال .. لما تصحى الصبح تلاقيك كاتب ع قورتها بالكحل

انا اسف ... مش هزعلك تانى ..

اينعم هتقعد تمسح فيها وتدعى عليك بس م جواها هتبقى فرحانه اووووى

اترك لخيالكم الابداع ..

تتخانقوا وتتصالحوا بكل اتكيت



د/اجدع بنوته ...

64 comments:

دكتور بهــدوء said...

برضه اول رد
هيييييييييييييه
بصي يا دوك
عندي فكره كنت سمعتها من اتنين متجوزين
اي خناقه بينهم
كل واحد بعدها بروح يقعد ف اودة نص ساعه وتنتهي النص ساعه يكونوا الاتنين ف الصاله
يتصالحوا وينهوا بغض النظر مين اللي غلطان
فكره جديده وحلوه

dr_modymodak said...

هههههههه يا كسوفي طبعا انا عارف اني مقصر في الردود عند حضرتك

بس انا دايما متابع وطبعا بما اني فؤشاوي علي ابوه شدني العنوان فكنت اتمني اكون اول من يرد

والله يا سمسمه الخناقات دي هيا الملح اللي من غيره الاكله ولا تسوي هههههه

واجما ما بعد الخناقه بين الزوجين زي ما بتقولي يصالحوا بعض تبقي لحظه حلوه اوي

ههههههههه وانتي ضربتي امثله لطرق المصالحه بس حلوه جدا

وهنروح انا وانت من بعضنا فين هنشوف مين فينا هيضحك علي مين نياهانياهانياها سلاموزه

wanna b a physician said...

بصى ياستى انتى طبعا عندك حق فى الاعتزار انه واجب والمصالحة
بس يابنتى افكارك اللى فى دماغك دى انتى هتنفذيها لكن غيرك مش يعرف ده اقتراح منك
بس لو مش يعرفوا لازم هما يكون ليهم طريقه مصالحه خاصة بيهم برضوة
اهم شىء يا دكترة التفاهم هيخليهم يبدعوا
بس حلوه حكاية يضرب ببالونات الميه دى عسل
سلاموز

Doba said...

يا رايق انت يا متدلع
فكرتينى بسفن أب
يا لذيذ يا رايق
====

انا مش هقولك صعب ومستحيل
ولكن هقولك فكرة جديدة وتحفة بجد

انا بصراحة بدل الكشكول بنعمل قاعدة محكمة بيبقى فيها الحوار مفتوح لطرح القضايا والاراء اللى خاضها الواحد خلال الفترة بين المحكمتين وبيبقى حوار مفتوح يسمح بالنقد والاسترسال بدون محد فينا يقوم يخنق التانى

هههههههههه

عقبال مفرح فيكى
عن قريب يا اجدع بنوتة

تحياتى
هبة

عاشــــــ النقاب ـقــــة"نونو" said...

ههههههههههههههههههههههههههههه
عسلللللللللل
لازم يكتب على قورتها بقلم الكحل
ليه كدة بس الشقاوة دي
ربنا يكرمك ونفرح بيكي بقى
احبك في الله

ٍSOU said...

طب ماكتب انا على قورتة ..اشمعنى هو اللى يكتب على قورتى يعنى..ماحدش احسن من حد :))

افكارك تتتتتتتحفة

khobayb said...

رائع والله

أرفع لك القبعة

وأرجع ألبسها تاني .. عشان أرفعها تاني

---

من أبدع كلام الشباب عن العلاقات بين الرجل والمرأة

والأسلوب ممتاز لا شك

---

تقبل الله منك

ونفع بك دوما

FaceMoon said...

اية الجمال دة ياريت كل اتنين متجوزين يقروا الكلام دة بس تقولى لمين العند هو اللى بيبوظ كل حاجة انا لما تجوز بعد عمر طويل حبقى اكتب على قورتة انا اسفة بالكحل بس يارب مش يرمينى بحاجة بعدها بس حقولة انتى اللى قولتيلى على مسؤوليتك بقى
تحياتى

mostafa rayan said...

فكرة الدفتر دي كويسة بس صعبة التحقيق

Mafrousa said...

يا حنينه....تبقى تقبلينى الساعه 12 ظهرا فى هذه المدونه يوم مايكونشى جمعه و لا سبت بعد جوازك طبعا...علشان اعرف الوصفات الجباره ديه نفعت معاكى و لا لأ
الحكايه ديه فكرتنى بالاختى بتعمله مع ولادها ...حاطه ورقه على التلاجه اللى يعمل حاجه و حشه ترسمله وش زعلان و اللى يعمل حاجه حلوه ترسمله و ش مبسوط واخر الاسبوع اللى عنده اكتر و شوش مبسوطه بتحطله نجمه
هههههههههه
انتى روحك حلوه و اتمنى من الله ان يرزقك بالانسان اللى يقدر يفهم و يسعد الروح الحلوه ديه سلام
حروح اناقر فى جوزى شويه اصلى زهقانه ههههههههههههههههه

Mero.. said...

موضوع لطيف..ولو الطرفين عقليتهم عالية أو ع الأقل فاهمين الحياة ماشية ازاي هيفهموا بعض والمشاكل نفسها هتبقى مجرد تفريغ مشاعر سلبية وكل طرف هيتفهم احتياج التاني..

تدونية ظريفة

dr_mody4ever رصيف نمرة خمسة said...

ياريت لو كل الخناقات بين الزوجين تكون على صنية بطاطس
انا شايف ان سبب الخناقات من البداية هو انعدام الحب بين الزوجين
اتنين تزوجوا زواج تقليدي حولوا يحبوا بعض بعد الجواز بدأت خناقات بعدةة مابينهم
احسن حاجة ان ادم يحس ان حواء كانت في يوم من الأيام جزء منه
وانها كائن رقيق (أيام زمان)
لازم يعملها على اساس انها حتة منه
حكاية كل واحد يكتب في كشكول فكده متبقاش حياة يبقى كل واحد مستني للتاني غلطة عشان يقول انت زعلتني أكتر
بس كفاية لحد كده
تمنياتي بالتوفيق لكي في الأمتحانات

بحبك يامصر said...

امتا يا دكتوره تتجوزى عشان نشوف الوصفات السحريه دى هتنفذيها ازاى
ونشوف هو باب النجار مخلع ولا ايه؟
سلااااام

دكتور حر said...

الله ينور عليك
ويقدس روحك يا رب
وميحرمش العقلانيين من كلامك

بقول واحده أعرفها كده
مش عارف ليه كل قصص الخطوبة حلوة
ومعظم قصص الجواز متعبة
أكيد الناس بتمثل

لكن الواحد أمله في الفهم وفي الناس المتنوره زيكم كده

واحد قاللي جمله كاتبها عند خطاط ومعلقها في بيته فوق سريره
قول أبو الدرداء لزوجته

يا أم الدرداء ان غضبت فرضني
وان غضبتي رضيتك
وإلا فكيف تكون الحياة بيننا

وبس
وربنا يكرمك يا رب

wael said...

اقولك ايه بوست عن التاني بحترمك اكتر
ماشاء الله عليكي

سهر الليالى said...

حلو اوى يا دكتور كل افكارك والمدونة بجد على بعضها حلوة اوى
حسيت فيها بأنسانية ومشاعر جميلة لو اتطبقت هتبقى دنتنا احلى كتيييييييييييير

اولا ممكن نقول وبمناسبة البوست بتاع خايفه اتجوز لا يقتلنى دة
ان مبدأيا تكون الخناقات جوا اوضه مقفولة وياريت متبقاش اوضه النوم عشان نخليها للصلح
يعنى مشاكلنا يبقى مقفول عليها حتى جوا بيتنا

حكايه الكشكول دة حلوة اوى عارفة ليه لان يمكن الواحد بيبقى أجرأ كتير وهو بيكتب حاجة غير لما بتكون وجها لوجه غير انو ممكن بيهدى ويفكر وبعدين ياخد خطوة

اولا واخيرا عاوزة اقول ان الواحد لو فكر من ساعه ما اتقفل عليه باب واحد ان نصه التانى اللى بقى معاه فى البيت ده هو قدرة ونصيبه وينسى بقى انو ممكن يتخلص منو فى يوم اختلف معاه هيحاول على قدر امكانه انو ينجح علاقته دى
زى ما بيحصل بينا وبينا والدينا واخواتنا عمرنا ما هنغيرهم ولذلك بنخلق الطرق عشان نتكيف معاهم بالرغم من اننا ممكن نبقى كتير مختلفين معاهم

بجد لمدونة جميلة ومعاكى بقى ان شاء الله
وربنا يرزقنا الزوج الصالح والذرية الصالحه

موناليزا said...

افكار حلوة جدا وانا بؤيدك فيها جدااااا
بس مين يسمع الزوجة ممكن تعمل كده لانها بطبعها رومانسى لكن متهيألى الرجل هيرفض حكاية الكشكول لانه فى الغالب هيكون هو الغلطان

بنت من الاخوان said...

المدونة تحفة
بجد مستنية بوستات تاني وتاني
بس اظن معظم الحلول لازم يكون في حب بين الزوجين الاول كأساس للتفاهم
وفكرة الكشكول دي حلوه اوي واعرف واحده مطبقاها
واكتر حاجه مهمة جدا ان الخلافات اللي تحصل تكون بينا احنا الاتنين بس
لانها لو طلعت عن حدودنا هيتدخل عامل الكرامه والمقارنة وكلام كتيير مالوش لازمه
مرة تانيه بحييك على المدونة التحفه دي

واحد من البلد دى said...

البوست عاجبنى جدا....بس ليا استدراك بسيييييييييط...المشاكل الزوجية مش محتاجة كشكول يا صديقتى...دى محتاجة....مجلداااااااااااات...برافو عليكى

رئـــــيسـة حزب الأحلام said...

معلش انا مش هقدر اقرا عشان دة للمتزوجين فقط وانا بنكسف

مشروع انسان said...

ما شاء الله

ايه العقلانية دى
لا بجد افكار مميزة
مش بس عقلانية وحكيمة
لا كمان فيها نقول كده خبرة
او ان واحد عايش الموضوع اوى

ربنا يكرمك

وعايز اعرف بس لو فقيه حاجات قرتيها عن الموضوع ده فيا ريت بحب اقرا فى الحاجات دى
عشان لو اتجوزت
فى يوم من الايام
هحاول اطبقها
ان شاء الله

Ghada , Rofayda said...

:)
حلوه قوي فكره الخناقه بالاتيكيت

اظن ان الفكره كلها تتلخص في احترام متبادل بين الاتنين و اكيد الموده و الرحمه قبلهم.... لان الاحترام هوه اللي هيندرج تحته كل المواقف اليي هتمر عليهم و مش معني الاحترام انهم يفضلوا قاعدين مرسومين قدام بعض ولا بيمثلوا علي بعض انما في اصغر المواقف بيبان الاحترام ده في ان الكلمه اللي هوه بيقولها واللي هيه بتقولها يحسبوا انفسهم عليها قبل ما يقولوها لبعض ...........لان الكلمه اللي بتدخل قاموس الزوجيه لا تخرج منه بل تتطور فان كانت بالسلب قتتطور بالسلب و ان كانت بالايجاب فتتطور بالايجاب .

شكرا علي هذه المشاركه الممتعه و الذيذه ..

د. إيمان مكاوي said...

كلام جميل بس المهم التنفيذ ,ربنا يوفقك ويملا كشكولك فرح وسعاده ,ياريت تشرفيني

المـــفـــــــقــــــــوعـــــة مــرارتـهــا said...

عجبتني فكرة الكشكول
بس المخدات لأة ياختي .. أنا ممكن أتعور فيها لو جوزي شايل مني يديني بيها يلصقني في الحيطة الناشفة وأتعور واوا

وحشتيني ياجميل

الزواج.....روضة الحب said...

أسلوبك تحفة إية يا بنتي الحلاوة دى ،لوكنتي جيتى من ست سنين أنا كنت عملت الحاجات دى كلها،دلوقتي بقالنا أسلوبنا الخاص أنا وجوزي فى التعامل مع الحاجات دي،وبكل اتيكيت برده علشان تتطمنى،علي فكرة برده المقالة بتاعة الخطوبة دى جميلة أوي ولعلمك بيستمر تأثيرها لبعد الجواز يعنى أنا لغاية دلوقتي بتباهي بنفسي أدام جوزى وأقوله فاكر ،وحياتك عندى كنت بموت فيه وطول مانا آعدة جنبه أعد أقول يارب يمسك إيدى ،يارب يمسك إيدى بس علي مين أول ماكان يمسكهاأقوم ناتشاها منه فجأة ومبرقاله واقوله احترم نفسك والله كان بيرجع لورا وبعد مايمشى من عندنا أعد اعاااايط،ربنا يوفقك ويرزقك يارب
بالزوج اللي يقدر الجمال دة

خواطر رئيس شاب said...

فكرة جميلة جدا
بس لازم الاتنين يعرفوا ان الفترة الاولى من الزواج فترة ارتباك بسبب العيشة الجديدة والطباع الجديدة وكدة لازم تعدى باسلوب كويس علشان لما يبدؤا يفهموا المركب بتمشى ازاى تبقى رحلة عظيمة على مركب جميلة
تحياتى

snohe said...

يمكن ان يتحقق هذا التصور فى حاله واحده
ان يكون الزوجين بيحبو بعض
لكن للاسف مش كتير

PrInCeSS BeRy said...

جميل اوى يا دكتور بس انا شايفة حاجة حلوة اوى ممكن تخلى اى جواز ناجح الحوار والتفاهم بعدها بقة ييجى كل حاجة كويسة وتتحل جميع المشاكل اما الانسحاب ودة يقول كرامتى ودة يقول اعتزازى الاحترام قبل الحب بيولد اجمل حب بوست جميل تسلمى وبردو انا تخيلت معاكى وجميل اوى

محمد حمدي said...

انا شخصيا . شايف انى لما اتجوز .. وده طبعا لما الاقى بنت الكـ... قصدى بنت الحلال الاول .. ساعتها هتفق معاها على حاجه من اول يوم جواز

نتخانق براحتنا ... لكن منباتش متخاصمين ابدا .. يعنى لازم فى نهايه اليوم نكون نهينا حاله الاسلم والاحرب الى بتولدها الخناقات

طبعا انا ناوى اعمل كده

أو هكذا أتعشم يعنى

jessy88 said...

طيبانا مش متجوزة وبالتالى مينفعش اقرأ التدوينة دى؟؟ولا مخطوبة مينفعش اقرأ اللى بعدها ..ممكن تعملى واحدة للى لسه على وش جواز ياما تجيبلنا عرسااااااااااان.... على فكرة مبروك على الكتاب وانا برضه زميلتك فيه انا مدونة تدوينة مشروع وطن هيييييه
نتقابل فى الحفلة بقى سلام

Unknown said...

هو انتى بقا اللى كتابة تدوينة تحفة فى كتاب مدونات مصرية للجيب

قعدت افر فيه يابنتى وألا لازم اعرف فين المدونة دى عشان ألزقلها

تحفة بجد .. تسلم إيدك

GiGi world said...

ايه الجمال ده يار ب بيوتنا تبقى كده ويوفقك ويرمك يارب

mohamed said...

أسلوبك رشيق ودمك خفيف ,لكن الاول لابد أن أى أتنين يجوزوا يحسوا أنهم أصبحوا مسؤلين عن أسرة, ودة معناة أنهم ينضجوا وأن أى تصرف لابد أن يكون لة منطق مقبول ومحسوب نتائجة, مثل شركة أذا تصرف الشركاء فى أعمالها بالطريقة السليمة كسبت ونمت ,اما أذا تصرفوا بعدم مسؤلية او بطريقة أنانية لكل شريك خسرت وأفلست .

تفتكرى يا أجدع دكتورة كلامى صح

أحتمال!!!!!



الحاجة التانية الى عايز أقولها لجناب معليكى___
أن مفيش علاقة زوجية بين أتنين ممكن تتشابة مع علاقة زوجية تانية فى أى حاجة وفى كل حاجة

وبالتالىممكن نكلم فى الخطوط العريضة والمبادىء الرئيسية.
لكن أسلوب التنفيذ والطريقة تختلف


بمعنى أن أستراتجية الجواز واحدة لكن الخلاف فى التكتيك



فى الاخر عندى نصيحة تحبى تسمعيها !!!
للرجل أقول


كن متحمل المسؤلية فى حدود قدراتك ولاتتهرب منها,
كن محترم حتى تحترمك زوجتك
أعطى لزوجتك الحنان قبل الحب , والامان قبل المال


للمرأة أقول

زوجك ليس أسير حرب بل شريك لكى
كونى لة أرضا يكن لكى سماء
أحفظى لسانك وكلماتك ولا تجعلى شهوة الحديث تخرج أسرار بيتك
فأذا هتك سربيتك ضاعت خصوصية العلاقة الزوجية , وأصبحتوا عنوان للتسلية بين أناس لايهمه مصلحتك



مع تحياتى

محمد

Mona Shereif said...

ههههههههههههههههههههههه
صدقينى انا جيت اجربها ضحك عليا
بس والله كويس ان فى حد بيفكر زيى

l0ma said...

اللةةةةةة حلوة اوى اوى اوى اوى اوىىىىى الفكرة دى وبجد اسلوبك فية حنية غريبة زى ميكون كىمك باخد الواحد بالحضن شكلك كدة هتكونى عروسة لقطة متيجى اجوزك اخويا :]:]:]
بجد عجبنى كلامك اسلوب مميز وكلام رائع ودمتم :)

حلم الحرية said...

رااااااااااااائع
بوست اكتر من رائع فعلا

جميل ان نخطط لحياتنا بهذه الصورة
العجيب فعلا ان الجميع يخططون سويا
ليوم الخطوبة
ولتجهيز منزل الزوجية
والتخطيط الاكبر بالطبع لليلة الزفاف
اين وكيف ومتي
تفاصيل كثيرة تستغرق المعظم وينسون معها التخطيط الاهم
التخطيط لحياة الزواج نفسها
وهو التخطيط الاهم


حقيقي سعيدة جدا بزيارتي لمدونتك
اول زيارة ليا هنا وان شاء الله مش هتكون الاخيرة
تحياتي

كاشف الاوهام said...

اتفضلوا بزيارة مدونتى
http://www.google.blogger.com
واتمنا اشوف ردودكم
تحية لكم

أختكم فى الله said...

اول زيارة ليا لمدونتك الاكثر من رائعة

حقيقي كلامك جميل جداااااا
ومظبوط جداااااااااا ودمك زى العسل
ربنا يكرمك ويسعدك

تقبلي تحياتى

حاجات جوايا said...

هههههههههههههه
ربنا معاكى يا سمسم
ويقدرك تعملى اللى بتقولى عليه
بس كشكول ايه يا بنتى للمشاكل الزوجية دى كبيرها كراسة 28 ورقة و وجه و وجه كمان ههههههههههه

مدونتك راااااااااائعة

دمتى بخير حبيبتى

سالى

نونو said...

والله فكرة حلوة جداااااااااا
والصراحة نويت علييها بس لما يريد ربنا

د/ سالم صلاح سالم said...

بصراحة ما شاء الله عليكي. رغم بعض تحفظاتي على بعض نقاط بسيطة ف كلامك.
ربنا يوفقك.
في مرة تانية نتناقش أكتر إن شاء الله أحسن عندي إمتحان بكره.

أ / أحمد عبد المنعم said...

بسم الله الرحمن الرحيم
أدعوك لزيارة مدونتى
http://ommee.blogspot.com
وأرجو التواصل المستمر

الـسـيـدة نـون said...

عاجبنى اوى الوبوست ده يا ياسمينة

بجد دمك فيه شربات
واقتراحك بتاع الكتابة بالكحل على الجبين ده
فطسنى من الضحك

تحياتى ليكى
اختك خيخة

كلام على بلاطة said...

هتكتب بالكحل مش هازعلك تانى
طيب لو ما بتعرفش تكتب
تعمل ايه
تحياتى

دعاء مواجهات said...

لا بجد الواحد حاس بمتعة كدة يابت

يادكتورة اة والله عاجبنى كلامك وهجاول اخد بية ف المستقبل

ان ربنا أراد

تحياتى ليك يادوك

بس متغيبيش اوى كدة بالمواضيع الحلوة دى

اووكى

بيس ياقمر

البوست الجديد نزل

انسان وبس ! said...

وتحكموا ع المتهم .. بالضرب ف ميدان الصاله العام بمخدات الانتريه

والله بجد جميل البوست ويا ريت الزوجين يفكروا بالجمال ده والحب ده

اول مره اعتب المدونه دى

وهاجى تانى ان شاء الله

تحياتى

Medicine Break said...

الكلام جميل ودمه خفيف فعلا
انما حاسس انه خيالى و رومانسى زيادة شوية
يعنى لو اللى هايتكتب فى الكشكول من نوعية صينينة البطاطس اللى اتحرقت يبقى هايحتاجو اوده للاولاد واودة للكشاكيل
ولو كل الاحكام من نوع الحدف بالمخدات يبقى احنا فى العالم المثالى
وبعدين حاجة زى دى ماتعلقش عالباب واولادى لما اشركهم فى الحكاية ويحكمو عليا :بابا انت هتاخد ميت مخدة فى دماغك
وان كنت مختلف تماما مع فكرة الكشكول لانها بعد شوية هاتقلب بغل وممكن تمنع النسيان كل شوية بقى يقعدو يقلبو فى الكشكول ويفتكرو لبعض
انما انا بحييكي بشدة على فكرة الاتيكيت وفكرة الاعتذار
حاجة جميلة فعلا ان اى اتنين يتخانقو بشياكة وان الغلطان يعتذر بطريقة جديدة كده
جميل فعلا

Dr Ahmed Said@Black Armor said...

حلوة قوى فكرة الكراسة دى هاحاول اجربها بس ياريت المدام توافق ههههههههههه
كل سنة وانتى طيبة

د. محمد رضا said...

انا بيعجبني فكرك

متفتح ومتحضر ومحافظ

عجبتني مشاركتك في الجزء الاول من مدونات مصريه للجيب


تقبلي مروري اذا رأيتيني

Mahmoud farag said...

السلام عليكم يا أجدع بنوتة

بجد افكارك فوق الهايله ... بجد دكتورة فعلا ..

الافكار دي لو اتنفذت فعلا ... هيبقى فيه نتائج هايله جدا .. على الاقل الكشكول هيمنع ان اى طرف يشيل جواه اى حاجه مضايق منها ..

تعليقي قليل جدا على البوست الهايل ده
ومنتظرين جديدك

حاجــ عيال ــات said...

العلاقة بين الزوجين علاقة سامية جدا ياجماعه والاتكيت وكل الذوقيات اللي احنا وضعناها أو بندعي وضعها...منزلة من قبل في دينا الاسلامي ..ولو الاسرة قايمة على اساس سليم من الحب والعطاء والتدين مش هيكون في مشكلة تذكر
ولازم نحط في الاعتبار ان مفيش حياة من غير مشكلة
عدم وجود مشكلة في ذاته مشكلة

كلمتى said...

بسم الله ما شاء الله

مدونتك وافكارك جمييييييييييييييله اووووووووى

على فكره دى اول مره ازور فيها المدونه وعجبتنى اوى

بس انا عارفاها من قبل كده من كتاب مدونات مصريه للجيب

وعجبنى اوى بوست " ان مكنتش انت تدلعنى " وقلت لازم ازور المدونه دى

وبصراحه انا كمان داخله على طمع

لانى عامله جروب على الفيس بوك اسمه عروسه من غير شبكه

ونفسى انزل موضوع ان مكنتش انت تدلعنى فيه

فانا بستأذن حضرتك انى انزله هناك

وطبعاً هعرفهم ان الموضوع منقول عن مدونة حضرتك

ياريت حضرتك تردى عليا ان كنتى موافقه ولا لاء

وتحياتى ليكى ولافكارك الجميله

د/اجدع بنوته said...

اتفضلى ياافندم

ده شىء يسعدنى جدا

اولا ان حضرتك تقرى الكلام

وثانيا انك تحبى تعرضيه ع اخرين

واعتبرى المدونه مدونة حضرتك اصلا

تحياتى

amr said...

جزاك الله خيراااااااا
ياسمين

نصائح غاليه لكن ليه المتزوجين بس

ده على اساس ان فى ناس مش ناويه تتجاوز يعنى ومش هتستفاد من الموضوع

طرح رائع

خالص تحياتى

سمية قهوة said...

يييييييي ايه الروقان ده
بس تصدقي لذيذة اوي الفكرة

Abeer Soliman said...

كان نفسى أفضل بريئة زى أحلامك ... بس الزمن ما بيسبش حد على حاله...

أتمنى منك ومن قراءك زيارتى فى مدونتى "يوميات عانس"

حدوته مصرية said...

المدونة عجبتني و عجبني البوستات كلها
بس ليه توقفتي ؟؟سؤال يطرح نفسه

تحياتي

Fatima said...

بسرعة قبل ما حد ياخدنى مخالفة و يكتشف تسرب التعليقات لغير المتجوزينن اقولك بوست هايل، بس للاسف سمعت الكلام ده قبل كدا فين يا فلفلة فين...اه افتكرت فى الاحلام طبعا لانى بعتقد ان اى زوجين لو بيتكلموا مع بعض على الحاجات اللى بتضايقهم ها تقل المشاكل- ها نخلى شوية للملح-
المهم فكرة هايلة
سنة سعيدة

سمية قهوة said...

بموت في المدونة دي
فعلا روعة
شكرا على كل البوستات

كريم said...

اهلا بيكى وبحييكى على مدونتك الرائعة دى والمقال الجامد لكن عارفه ناقصه ايه ؟ ولا حاجة؟ vip صاحب مدونة http://ghyboba.blogspot.com/

mesh2dra said...

مش عارفه لسه بتتابعى بلوجتك ولا لأ
ومش عارفه حتشوفى تعليقى ولا لأ
:)
بتمنى اطمن عليكِ
وبتمنى تكونى فى افضل حال
وبتمنى نتواصل من تانى
يارب تكونى بخير

سلاماتى :)

mekho matrix said...

عمل جميل








العاب

digital said...

تتوفر لدينا خدمات النقل والتعبئة والتغليف 7 أيام في الأسبوع بما في ذلك أيام السبت والأحد مع خدمات شركة تصميم مواقع فى السعودية
جمع اليوم التالي المتاحة لتلك اللحظات "أخرجني من هنا الآن"! أينما كنت في المملكة المتحدة لدينا غطت لك بأمان.

لدينا محطات نقل المتاع الدولي في جميع أنحاء المملكة المتحدة بما في ذلك لندن وبريستول وبرمنجهام افضل شركة تصميم مواقع بالرياض
ومانشستر وليدز وليفربول وغلاسكو. ونحن نقدم أيضا مجموعات اليومية من ساوث ويلز بما في ذلك سوانسي، كارديف ونيوبورت.

باعتبارها واحدة من أكبر الشركات تتحرك الدولية في المملكة المتحدة ونحن نقدم إبحارات الأسبوعية افضل شركة تصميم مواقع فى السعودية
إلى أكثر من 144 دولة من بينها أستراليا ونيوزيلندا والولايات المتحدة وجنوب أفريقيا وكندا وmore.1st
نقل الشركة الدولية للنقل. شحن ذكي لأسرع وأكثر أمانا، نقل أذكى.

الحصول على إزالة دولية مجانية اقتبس هنا، اطلب لنا سؤال أو ببساطة الاتصال بنا مجانا لمزيد من
التفاصيل عن الأسعار وservces العظيمة.افضل شركة تسويق الكتروني بالسعودية



إزالة الأثاث موثوقة في مانشستر
افضل شركة تسويق الكتروني بالرياض

Unknown said...


شركة مكافحة النمل الابيض بالرياض
شركة مكافحة الفئران بالرياض
شركة مكافحة الصراصير بالرياض
شركة رش دفان بالرياض
شركة تنظيف فلل بالرياض
شركة تنظيف موكيت بالرياض
شركة تنظيف كنب بالرياض
شركة تنظيف واجهات بالرياض